Davao City – Arestado ang isang lalaki sa isinagawang buy-bust operation ng PNP sa Purok 8, Brgy. 10-A Duha San Rafael, Davao City, noong Hulyo 3, 2023.
Kinilala ni Police Major Ma. Teresita Gaspan, Station Commander ng Ma-a Police Station, ang suspek na si alyas “Alvin”, 34, residente ng Spring Village Ma-a, Davao City na tinaguriang Top 7 High Value Target sa Regional Level.
Ayon kay PMaj Gaspan, naaresto ang suspek sa isinagawang buy-bust operation ng pinagsamang tauhan ng Ma-a PNP at Davao City Police Office 1st City Mobile Force Company katuwang ang PDEA XI.
Dagdag pa ni PMaj Gaspan, nakuha mula sa suspek ang ilang pakete ng hinihinalang shabu na may bigat na humigit kumulang na 5 gramo na may street market value na Php80,000 at marked money na ginamit sa operasyon.
Kasong paglabag sa Republic Act 9165 o Comprehensive Dangerous Drugs Act of 2002 ang isinampa sa nasabing suspek.
Ang Police Regional Office 11 ay magpapatuloy sa kanilang operasyon kontra ilegal na droga hanggang maging drug-free ang Rehiyon Onse sa pamumuno ni PBGen Alden Delvo, PRO11 Regional Director.
Panulat ni Patrolman Alfred Vergara
