Arestado ang Top 7 Regional High Value Individual at dalawa pang suspek nito lamang Setyembre 20, 2024 sa Anrabel St., Purok Masagana, Barangay Central, Mati City, Davao Oriental.
Kinilala ni Police Major Al Anthony I Gumban, Acting Chief of Police ng Mati City Police Station, ang mga suspek na sina alyas “Jun Patik”, 46 anyos, isang manggagawa (Top 7 Regional Level High Value Individual), alyas “Patrick”, 25 anyos na siya namang drug den maintainer at alyas “Niño”, 30 anyos na isang videographer.
Ang mga suspek ay naaresto sa isinagawang buy-bust operation na pinangunahan ng PDEA katuwang ang Mati City Police Station, 2nd Davao Oriental PMFC at RIU 11.
Narekober naman mula sa mga suspek ang humigit kumulang 10 gramo ng hinihinalang shabu na may Standard Drug Price na Php68,000.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
