San Carlos City, Pangasinan – Timbog ng mga tauhan ng PNP ang Top 7 Provincial Most Wanted Person sa kasong 3 Counts of Statutory Rape sa Brgy. Cacaritan, San Carlos City, Pangasinan nito lamang Huwebes, Oktubre 20, 2022.
Kinilala ni Police Lieutenant Colonel Luis Ventura, Chief of Police ng San Carlos City PNP, ang suspek na si Kennedy Sy y Palisoc, walang asawa, at residente ng Brgy. Pagal, San Carlos City, Pangasinan.
Ayon kay Police Lieutenant Colonel Ventura, naaresto ang suspek sa Brgy. Cacaritan, San Carlos City, Pangasinan ng mga operatiba ng San Carlos City PNP bilang lead unit, Provincial Intelligence Unit Pangasinan PPO, Provincial Investigation and Detection Management Unit – Pangasinan PPO, Regional Intelligence Division – PRO 1, Regional Intelligence Unit – PIT Pangasinan, at 105th Maneuver Company RMFB 1.
Dagdag pa ni PLtCol Ventura, nahaharap ang suspek sa kasong 3 Counts of Statutory Rape na walang kaukulang piyansa.
Ang operasyon ng Police Regional Office 1 ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad at para mapanagot ang mga taong may sala sa batas.
Source: San Carlos City Police Station
Panulat ni Pat. Viljon Anthony A. Comilang
