Pangasinan – Timbog ang Top 7 Provincial Most Wanted Person ng Bayambang PNP sa kasong Statutory Rape sa Brgy. MH Del Pilar, Bayambang, Pangasinan nito lamang Huwebes, Oktubre 6, 2022.
Kinilala ni Police Lieutenant Colonel Rommel P. Bagsic, Officer-In-Charge ng Bayambang Municipal Police Station, ang suspek na si Victor Vinluan y Ramos, 49, may asawa, tricycle driver, at residente ng Brgy. MH Del Pilar, Bayambang, Pangasinan.
Ayon kay Police Lieutenant Colonel Bagsic, naaresto ang suspek bandang 11:00 ng umaga sa kanyang tahanan sa bisa ng Warrant of Arrest ng mga operatiba ng Bayambang PNP.
Dagdag pa ni Police Lieutenant Colonel Bagsic, nahaharap ang suspek sa kasong Statutory Rape na walang kaukulang piyansa.
Ang operasyon ng Bayambang PNP ay naging matagumpay dahil na rin sa pakikipagtulungan ng mamamayan upang mapaigting ang kampanya kontra kriminalidad, at para mapanagot ang mga taong may sala sa batas.
Source: Bayambang Municipal Police Station
Panulat ni Pat. Viljon Anthony Comilang/RPCADU1
