Arestado ang isang Top 7 Most Wanted Person sa Municipal Level sa paglabag sa Republic Act 7610 sa isinagawang joint law enforcement operation ng Zamboanga City Police Station 8 katuwang ang TSC-RMFB9 at 1st ZCMFC sa Pitogo Barangay Sinunuc, Zamboanga City nito lamang ika-1 ng Disyembre 2024.
Kinilala ni Police Major Jovanie G Julian, Station Commander, Zamboanga City Police Station 8, ang naarestong suspek na si alyas “Arson”, 47 anyos, lalaki at residente ng Zone 4B Barangay Maasin, Zamboanga City.
Ang suspek ay nahaharap sa kasong paglabag sa RA 7610 na may inirekomendang piyansa na nagkakahalaga ng Php200,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
