Davao del Norte – Arestado ang isang lalaki sa isinagawang buy-bust operation ng PNP sa Purok 9-C FD RD 3, Brgy. Tibal-og, Santo Tomas, Davao del Norte, nito lamang Martes, Mayo 31, 2022.
Kilala ni PMaj Rodante Frias Varona, Acting Chief of Police ng Santo Tomas Municipal Police Station ang suspek na si Argie Entroliso Torres, 40, residente ng Purok 2, Barangay New Katipunan, Santo Tomas, Davao del Norte na tinaguriang Top 7 Illegal Drug Personality sa naturang munisipalidad.
Ayon kay PMaj Varona, nahuli ang suspek ng pinagsamang puwersa ng mga tauhan ng Santo Tomas MPS, 2nd Davao del Norte Provincial Mobile Force Company kasama ang 1102nd MC Regional Mobile Force Battalion 11.
Dagdag pa ni PMaj Varona, nakuha mula sa suspek ang apat na maliliit na sachet ng shabu na may bigat na humigit kumulang 0.5 gramo at tinatayang nagkakahalaga ng Php3,400, isang sling bag, isang 500 peso bill at buy-bust money na ginamit sa operasyon.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Samantala, pinuri naman ni PBGen Benjamin Silo Jr., Regional Director, Police Regional Office 11 ang matagumpay na pagkakahuli ng nasabing suspek na malaking tulong upang maparalisa at matapos na ang problema laban sa ilegal na droga sa nasabing lugar.
###
Panulat ni Patrolman Preal Cris Edosma
