Cebu – Arestado ang Top 7 Most Wanted Person sa kasong Statutory Rape sa isinagawang manhunt operation ng mga operatiba ng Talisay City Police Station sa Crusan, Brgy. Bulacao, City of Talisay, Cebu noong Martes, Enero 31, 2023.
Kinilala ni Police Lieutenant Colonel Randy T Caballes, Chief of Police ng Talisay City Police Station, ang suspek na si alyas “Buddy”, 42, tubong Manjuyod, Negros Oriental.
Ayon kay Police Lieutenant Colonel Caballes, nadakip ang akusado dakong alas-7:15 ng gabi sa bisa ng Warrant of Arrest na inisyu ni Hon. Romeo A Reyes Jr., Presiding Judge ng FC 7th Judicial Region Br 7, Talisay City, Cebu noong Enero 30, 2023.
Tiniyak ng Talisay City PNP na kanilang ipagpapatuloy ang pagpapaigting ng bawat hakbang sa kampanya sa lahat ng uri ng kriminalidad para sa kaayusan at kapayapaan ng lungsod.
