Makati City — Arestado ang isang lalaki na Top 7 Most Wanted Person sa kasong Qualified Theft (RPC Art 310) ng Makati PNP nito lamang Sabado, Abril 16, 2022.
Kinilala ni District Director Police Brigadier General Jimili Macaraeg ng Southern Police District ang suspek na si Rafael Casag y Tauruc, 39.
Ayon kay PBGen Macaraeg, bandang 1:25 ng tanghali nahuli si Casag sa Lawton Ave, Brgy. Northside, Makati City sa isinagawang joint operation ng Warrant and Subpoena Unit at Station Intelligence Section ng Makati City Police Station.
Naaresto si Casga sa bisa ng Warrant of Arrest sa kasong Qualified Theft na may rekomendadong piyansa na Php40,000.
“Natutuwa ako sa dedikasyon na ipinakita ng ating mga pulis dahil sa kanilang walang humpay na operasyon sa kabila ng ating pagdaraos ng Semana Santa. Ito ay nagpapahiwatig lamang na ang inyong Southern Metro Police ay gagawin ang kanilang tungkulin anumang oras, at nakatutok hindi lamang sa ilegal na droga kundi maging sa pagtugis ng mga wanted persons”, ani PBGen Macaraeg.
Source: SPD PIO
###
Panulat ni PSSg Remelin Gargantos NJ
