Nadakip ng mga tauhan ng Southern Police District ang isang lalaking tinaguriang Top 7 Most Wanted Person ng probinsya ng Capiz sa Parañaque City nito lamang Lunes, Setyembre 17, 2024.
Kinilala ni Police Brigadier General Leon Victor Z Rosete, District Director ng SPD, ang suspek na si alyas “Patrick”, 33 anyos, kinilala bilang Top 7 Provincial Most Wanted Person ng Capiz.
Naganap dakong 3:40 ng hapon ang ikinasang joint operation na pinangunahan ng District Special Operations Unit – Southern Police District (DSOU-SPD) kasama ang Maayon MPS, Pontevedra MPS, DID-SPD, at Parañaque CPS kung saan isinilbi sa suspek ang Warrant of Arrest dahil sa paglabag sa Republic Act 9165 o “Comprehensive Dangerous Drugs Act of 2002”.
Nakumpiska rin kay alyas “Patrick” ang isang 1911 9mm na baril na may mga bala, isang inside holster at nahaharap naman sa karagdagang reklamo dahil sa paglabag sa RA 10591 o “Comprehensive Firearms and Ammunition Regulation Act”.
Patuloy ang PNP sa mga operasyon upang matunton ang mga indibidwal na may pananagutan sa batas at maipataw ang nararapat na kaparusahan sa kanila.
Source: SPD PIO
Panulat ni PSSg Remelin M Gargantos
