Davao City – Arestado sa isinagawang buy-bust operation ng mga tauhan ng PNP ang dalawang indibidwal kabilang na ang Top 7 High Value Individual Regional Level, nito lamang Martes, Hunyo 21, 2022.
Kinilala ni PMaj Bernie Suaga, Station Commander, Buhangin Police Station 5 – Davao City Police Office, ang mga suspek na si Roberto Bayawa Orquillas Jr., 47, na tinaguriang Top 7 HVI RL; at kasama nitong si Jo Ann Bualat Escaler, 45, kapwa residente ng 624-4, Sales St., Brgy. 28-C, Davao City.
Ayon kay PMaj Suaga, nahuli ang mga suspek sa Brgy. 28-C, Davao City ng pinagsamang puwersa ng Buhangin PS5 – DCPO, Regional Police Drug Enforcement Unit 11, City Mobile Force Company, City Drug Enforcement Unit at koordinasyon sa Philippine Drug Enforcement Agency 11.
Dagdag pa ni PMaj Suaga, nakuha mula sa mga suspek ang siyam na pakete na naglalaman ng hinihinalang shabu na may bigat na humigit kumulang 15.49 gramo at may Street Market Value na Php248,000, isang cellphone, pouch, at ID, apat na hugis parihabang pakete, isang Php1,000 peso bill at marked money na ginamit sa operasyon.
Ang mga suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, pinuri naman ni PBGen Benjamin Silo Jr., Regional Director, Police Regional Office 11 ang pagkakahuli sa mga suspek at ito’y nagpapakita lamang na ang PRO11 ay hindi titigil sa kampanya nito kontra sa ilegal na droga upang tuluyan ng maging drug-free ang rehiyon.
###
Panulat ni Patrolman Preal Cris Edosma
