Arestado ang Top 7 City Most Wanted Person sa kasong Frustrated Murder sa ikinasang operasyon ng mga awtoridad sa Jose Lim Sr Street, Poblacion V, Cotabato City nito lamang ika-17 ng Setyembre 2024.
Kinilala ni Police Lieutenant Colonel Ariel T Huesca, Regional Chief ng PNP Criminal Investigation and Detection Group – Regional Field Unit BAR, ang suspek na si alyas “Benjie”, 29 anyos, magsasaka na residente ng Mahuganan Buncog Upi, Maguindanao Del Norte.
Naging matagumpay ang pagkakaaresto sa suspek sa pinagsanib na pwersa ng mga tauhan ng CIDG Maguindanao Provincial Field Unit katuwang ang Regional Special Operation Team – RFU BAR, CIDG Cotabato City Filed Unit, Maguindanao Maritime Police Station, North Upi Municipal Police Station, Cotabato City Police Station 1 at 2 sa bisa ng Warrant of Arrest sa kasong Frustrated Murder na may piyansang Php200,000.
Ang matagumpay na pagkakaaresto ng wanted persons ay patunay lamang sa epektibong pagpapatupad ng Pambansang Pulisya ng Pilipinas sa sinumpaang tungkulin na maghatid ng serbisyo publiko para sa mas maayos, maunlad at mapayapang Bagong Pilipinas.
Panulat ni Patrolwoman Ma. Señora Agbuya
