Arestado ng mga operatiba ng Calinan Police Station ang Top 7 City Most Wanted Person nito lamang ika-22 ng Nobyembre 2024 sa Purok 3-A, Barangay Talomo, Calinan, Davao City.
Kinilala ni Police Major Leo Arvin O Alce, Acting Station Commander ng Calinan Police Station, ang suspek na si alyas “Marlon”, 20 anyos, isang manggagawa at residente ng nasabing lugar.
Hinuli ang suspek sa bisa ng Warrant of Arrest kaugnay sa kasong Rape na walang piyansang inirekomenda.
Samantala, ang Police Regional Office 11 ay tuloy-tuloy lamang sa mga operasyon na bahagi ng mas pinaigting na laban kontra kriminalidad sa layuning mapanagot ang lahat ng may sala at tiyakin ang kapayapaan para sa bawat Dabawenyo.
Panulat ni Pat Shairra Rose A Aquino
