Davao City – Arestado ang isang lalaki sa isinagawang buy-bust operation ng PNP at PDEA sa Coaco Beach Parking Area, Brgy. Pampanga, Davao City, noong Nobyembre 12, 2022.
Kinilala ni PMaj Jake Goles, Station Commander ng Sasa Police Station, ang suspek na si alyas “Ryan”, 48, residente ng Brgy. Matina Aplaya, Davao City na tinaguriang Top 7 High Value Individual sa City level.
Ayon kay PMaj Goles, naaresto ang suspek ng pinagsamang tauhan ng Sasa PS at Davao City Maritime Police Station kasama ang 1105th Maneuver Company, Regional Mobile Force Battalion 11 katuwang ang PDEA XI.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang na 5.44 gramo na may street market value na Php87,040 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Patuloy naman sa pagsasagawa ng mga operasyon kontra ilegal na droga ang Police Regional Office 11 upang maabot ang kanilang layunin na gawing drug-free ang rehiyon onse at sa malasakit na ipinapakita ng mga mamamayan sa kapulisan ay makakamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
