Lapu-Lapu City, Cebu – Arestado ang Top 6 Wanted Person (City Level) sa Manhunt Operation ng pulisya sa Lapu-Lapu City, Cebu nito lamang ika-17 ng Agosto 2022.
Kinilala ni Police Major Narciso C Abapo, Station Commander ng Police Station 3, ang suspek na si Boyven Amistino Fabon, 39, residente ng Kamanggahan II, Barangay Pajo, Lapu-Lapu City, Cebu.
Ayon kay PMaj Abapo, naaresto ang suspek sa isinagawang Simultaneous Anti-Criminality Law Enforcement Operation (SACLEO) ng mga operatiba ng Lapu-Lapu City Police Station 3, Police Station 9 ng CCPO at TSC RMFB7.
Ang nasabing suspek ay naaresto sa bisa ng Warrant of Arrest sa kasong paglabag sa RA 9165 o ang Comprehensive Dangerous Drugs Act of 2002 na walang nirekomendang piyansa.
Tinitiyak naman ng Lapu-Lapu City PNP na hindi sila titigil sa pagsugpo sa mga personalidad na nasa likod ng pagtutulak at paggamit ng ilegal na droga at maging sa anumang uri ng kriminalidad.
###
Panulat ni Patrolman Carl Philip L Galido
