Arestado ng mga tauhan ng Bunawan Police Station ang Top 6 Station Most Wanted Person sa Purok 1, Barangay Bunawan, Bunawan District, Davao City nito lamang Oktubre 1, 2024.
Kinilala ni Police Major Ian James S Acal, Acting Station Commander ng Bunawan Police Station, ang suspek na si alyas “Joseph”, 32, isang drayber at residente ng Purok 10 Bosque, Barangay Bunawan, Davao City.
Naaresto ang suspek sa bisa ng Warrant of Arrest na inihain ng pinagsamang puwersa ng mga tauhan ng Bunawan Police Station at CIDG Davao Field Unit at mahaharap sa kasong dalawang bilang ng paglabag sa Republic Act 9262 o Anti-Violence Against Women and Their Children Act of 2004 na may inirekomendang piyansang Php144,000.
Patuloy namang nagsasagawa ng Manhunt Charlie Operation ang mga tauhan ng Police Regional Office 11 bilang bahagi ng mas pinaigting na laban kontra kriminalidad.
Panulat ni Patrolwoman Shairra Rose A Aquino
