Arestado ang Top 6 Most Wanted Person sa Regional Level sa kasong Statutory Rape sa isinagawang manhunt operation ng mga awtoridad nito lamang Setyembre 17, 2024 sa Balite Drive, Barangay Suarez, Iligan City.
Kinilala ni Police Captain Reagan Y Adap, Officer-In-Charge ng Iligan City Police Station 2, ang suspek na si alyas “Rolan”, 44 anyos, may asawa, OFW at residente ng Zone Beverly Hills, Barangay Suarez, Iligan City.
Nadakip ang suspek sa isinagawang Joint Manhunt Charlie Operation ng ICMFC Intel Operatives, CIDMU tracker team, RIU 10 at Iligan City Police Station 2 sa bisa ng Warrant of Arrest sa kasong Statutory Rape na walang piyansa at (2) Counts ng Republic Act 7610 na may piyansang Php200,000.
Patuloy ang Iligan City PNP sa pagtaguyod ng hustisya para sa mga biktima at mapanagot ang mga nagkasala sa batas upang mapigilan ang paglaganap ng krimen at masisiguro ang kaligtasan ng komunidad.
