Davao del Norte – Arestado ang isang Top 6 Regional Level Drug Personality sa buy-bust operation ng mga tauhan ng PNP at PDEA, noong Hulyo 12, 2022.
Kinilala ni PMaj Adelon Caacbay, Acting Station Commander ng Panabo Police Station, ang suspek na si alyas “Dong”, 22, residente ng Prk. 4, New Visayas, Panabo City, Davao del Norte.
Ayon kay PMaj Caacbay, naaresto ang suspek sa nabanggit na lugar ng pinagsamang tauhan ng Panabo PS at Regional Special Operation Group – Regional Provincial Drug Enforcement Unit 11 katuwang ang PDEA Davao del Norte.
Dagdag pa ni PMaj Caacbay, nakuha mula sa suspek ang ilang pakete ng hinihinalang shabu na may bigat na humigit kumulang 8.01 gramo na may street market value na Php54,508 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni PBGen Benjamin Silo Jr., PRO11 Regional Director ang nasabing operasyon dahil sa matagumpay na operasyon kontra sa ilegal na droga sa lungsod.
###
Panulat ni Patrolman Alfred Vergara
