Iligan City – Nalambat ang Top 6 Regional Level PNP/PDEA List – High Value Individual sa isinagawang buy-bust operation ng Iligan City Police Station 5 sa Purok 5, Brgy. Saray, Iligan City nito lamang Enero 29, 2023.
Kinilala ni Police Colonel Dominador Estrada, City Director ng Iligan City Police Office, ang suspek na si alyas “Peter”, residente ng naturang barangay Purok 5, at nakalista bilang Top 6 Regional Level at Top 2 City Level ng PNP/PDEA High Value Individual.
Nakuha sa suspek ang isang coin purse at 13 na pakete ng hinihinalang shabu na may timbang na 0.5 na may Standard Drug Price na Php3,400, isang brown envelop at isang pirasong Php500 bill na ginamit bilang buy-bust money.
Nahaharap ang suspek sa kasong paglabag sa Section 5 at 11 Art II ng RA 9165 o Comprehensive Dangerous Drugs Act of 2002.
Ang Iligan PNP ay hindi mapapagod sa pagsasagawa ng mga operasyon para masugpo ang ilegal na droga at kriminalidad at mapanatili ang kaayusan at payapang nasasakupang komunidad.
Panulat ni Patrolman Joshua Fajardo/RPCADU10
