Maramag, Bukidnon – Arestado ang Top 6 Most Wanted Person (Municipal Level) sa kasong Frustrated Murder ng Maramag PNP nito lamang Martes, Mayo 17, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang naaresto na si Randell Dan Estellore Butad, 30, residente ng Purok 2 Tubigon, Maramag, Bukidnon.
Ayon kay PCol Lagare, bandang 12:10 ng tanghali naaresto si Butad sa Purok 6 Anahawon, Maramag, Bukidnon sa isinagawang operasyon ng mga operatiba ng Maramag Municipal Police Station.
Ayon pa kay PCol Lagare, naaresto si Butad sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Ang pambansang pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan at kapayapaan ng mamamayan at ng ating bansa.
###
Panulat ni Patrolman Jomhel Tan/RPCADU 10
