Cebu – Walang kawala ang 25 taong gulang na ginang sa Cebu matapos maaresto kasunod ng paghahain ng Arrest Warrant ng mga tauhan ng Investigation and Detective Management Unit (IDMU), Cebu City Police Office (CCPO) at Criminal Investigation and Detection Group (CIDG) para sa kasong Estafa noong Martes, Mayo 9, 2023.
Kinilala ni Police Captain Galil Aiza Nacario ng IDMU, ang nadakip na akusado na si alyas “Neneng”, na tinaguriang Top 6 Municipal Most Wanted Person, residente ng Buhing Tubig, Pinamungajan at pansamantalang naninirahan sa Basak-Marigondon Road, Brgy. Basak, Lapu-lapu City.
Dakong alas-7:20 ng gabi nang arestuhin ng mga awtoridad ang akusado sa Cebu Business Park, Brgy. Hipodromo, Cebu City sa bisa ng Warrant of Arrest.
Patuloy naman ang kapulisan sa pagpapahusay ng kanilang mga hakbangin upang matiyak ang kaayusan at kapayapaan ng kanilang nasasakupan.
