Arestado ang isang Top 6 Most Wanted Person sa Municipal Level sa kasong Frustrated Murder sa isinagawang joint law enforcement operation ng mga otoridad sa Sitio Pitogo, Barangay Sinunuc, Zamboanga City nito lamang ika-14 ng Oktubre 2024.
Kinilala ni Police Major Jovanie G Julian, Station Commander ng Zamboanga City Police Station 8, ang naarestong suspek na si alyas “Mod”, 27 anyos, lalaki at residente ng Kapuk Flamingo, Barangay Calarian, Zamboanga City.
Ang suspek ay nahaharap sa kasong Frustrated Murder na may inirekomendang piyansa na nagkakahalaga ng Php200,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Patrolwoman Joyce Franco
