Arestado ang Top 6 Most Wanted Person sa Western Visayas sa operasyon na ikinasa ng pulisya sa Purok Bagaas, Barangay Tabigue, EB Magalona, Negros Occidental noong Oktubre 11, 2024.
Kinilala ang suspek na si alyas “Bebe”, 37 taong gulang, residente ng Barangay Minapasok, Calatrava, Negros Occidental.
Ang suspek ay nasawata matapos ang mahabang surveillance mula pa noong Agosto sa operasyon na ikinasa ng Capiz at Bacolod City Maritime Police Station.
Isang malaking tagumpay para sa kapulisan ng Western Visayas ang pagkakaaresto ng isang pangunahing suspek na kabilang sa mga Most Wanted Person sa rehiyon. Ito ay nagpapakita ng dedikasyon ng mga kapulisan sa kanilang tungkulin na sugpuin ang kriminalidad sa Western Visayas.
Umaasa ang Philippine National Police na ang hakbang na ito ay makapagbibigay ng inspirasyon sa iba pang mga komunidad upang makipagtulungan sa mga kapulisan sa kanilang mga pagsisikap na mapanatili ang kapayapaan at kaayusan para sa ating bansa.
Source: Radyo Pilipinas Iloilo
Panulat ni Pat Glydel V Astrologo
