Santa Cruz, Laguna – Arestado ang Top 6 Most Wanted Person (Provincial Level) sa kasong Lascivious Conduct sa ginawang Manhunt operation ng Laguna PNP nito lamang Miyerkules, May 4, 2022.
Kinilala ni Police Colonel Cecilio Ison Jr, Provincial Director ng Laguna Police Provincial Office, ang suspek na si Reynaldo Abitan, 69, at residente ng Camia St. Lynville Ph3, Brgy. Calios, Santa Cruz, Laguna.
Ayon kay PCol Ison, bandang 7:33 ng gabi naaresto si Abitan sa nasabing lugar ng mga operatiba ng Santa Cruz Municipal Police Station sa bisa ng Warrant of Arrest sa kasong Lascivious Conduct na may kaugnayan sa RA 7610 o “Special Protection of Children against Abuse, Exploitation and Discrimination Act” na may rekomendadong piyansa na Php200,000.
Ang pinaigting na operasyon ng PNP laban sa mga taong may pananagutan sa batas ay bunga ng suporta ng mamamayan upang mapanatiling ligtas at maayos ang komunidad.
Source: Laguna Police Provincial Office
###
Panulat ni Police Executive Master Sergeant Elvis C Arellano
