Calasiao, Pangasinan – Arestado ang Top 6 Most Wanted Person sa kasong Frustrated Murder sa manhunt operation ng Calasiao PNP nitong Biyernes, ika-15 ng Abril, 2022.
Kinilala ni Police Colonel Richmond Tadina, Provincial Director ng Pangasinan, ang suspek na si MacMac Joves y Misalang, 41, walang asawa, vendor, at residente ng Brgy. Lumbang, Calasiao, Pangasinan.
Ayon kay Police Colonel Tadina, bandang 12:28 ng tanghali naaresto ang suspek sa nasabing barangay ng manhunt operation ng Calasiao Police Station.
Ayon pa kay Police Colonel Tadina, naaresto ang suspek sa bisa ng Warrant of Arrest sa kasong Frustrated Murder na may rekomendadong piyansa na Php200,000 para sa pansamantalang kalayaan.
Ang PNP ay patuloy sa pagsagawa ng manhunt operation para matugis ang mga most wanted person sa bansa upang panagutan ang krimeng nagawa at mabigyan ng hustisya ang mga naging biktima.
Source: Pangasinan Police Provincial Office
###
Panulat ni Patrolman Viljon Comilang
