Tiaong, Quezon – Arestado ang Top 6 Most Wanted Person (Municipal Level) sa kasong Frustrated Murder sa isinagawang operasyon ng Tiaong PNP nito lamang Martes, Agosto 30, 2022.
Kinilala ni Police Lieutenant Colonel Marlon C Cabataña, Chief, Tiaong Municipal Police Station, ang suspek na si Ruben Ambal Dela Cruz, 58, may asawa, walang trabaho, residente ng Brgy. Talisay, Tiaong, Quezon.
Ayon kay PLtCol Cabataña, dakong 4:05 ng hapon naaresto ang suspek sa Brgy. Talisay, Tiaong, Quezon ng mga operatiba ng Warrant/Intel Division ng Tiaong MPS sa pamumuno ni Police Lieutenant Ramil Malipol, Chief.
Ayon pa kay PLtCol Cabataña, naaresto ang suspek sa kasong Frustrated Murder na may inirekomendang piyansa na Php200,000.
Ang Tiaong PNP ay patuloy ang kampanya upang ang mga may sala sa batas ay mailagay sa likod ng rehas.
Source: Tiaong Municipal Police Station
Panulat ni Police Staff Sergeant Donabel Dulin
