Arestado ng Iligan City PNP ang isang High Value Individual na Top 6 sa PNP/PDEA Target sa Provincial Level matapos maaktuhan na gumagamit ng ilegal na droga sa Barangay Hinaplanon, Iligan City nito lamang Agosto 24, 2024.
Kinilala ang High Value Indibidual na Top 6 PNP/PDEA Target List na drug suspek na si alyas “Ryan”, 31 taong gulang na residente ng nasabing lugar.
Naaresto ang HVI matapos maaktuhan na gumagamit ng ilegal na droga sa mismong bahay nito matapos isumbong ng kanyang live-in partner sa mga tauhan ng Iligan City Police Station – Station Drug Enforcement Team.
Nakarekober sa operasyon ang isang pakete ng hinihinalang shabu na may street value na Php340 at mga drug paraphernalia.
Nahaharap ang drug suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Iligan City PNP ay patuloy sa paglaban kontra ilegal na droga sa kanilang nasasakupan upang mapanatiling ligtas at payapa ang komunidad.
