Davao City – Arestado ang isang babae sa buy-bust operation ng PNP at PDEA sa Km. 7, beside 3A Tinsmith Services, Brgy. Tigatto, Davao City, noong Agosto 28, 2022.
Kinilala ni PMaj Bernie Suaga, Station Commander ng Buhangin Police Station, ang suspek na si “Madam”, 50, residente ng Purok Daisy, Brgy. Coronon, Santa Cruz, Davao Del Sur na tinaguriang Top 6 High Value Individual sa regional level.
Ayon kay PMaj Suaga, naaresto ang suspek ng mga tauhan ng Buhangin PS kasama ang Regional Special Operation Group / Regional Police Drug Enforment Unit 11 at City Mobile Force Company katuwang ang PDEA XI.
Dagdag pa ni PMaj Suaga, nakuha mula sa suspek ang ilang pakete ng hinihinalang shabu na may bigat na humigit kumulang 5.15 gramo na may street market value na Php81,000 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang Police Regional Office 11 ay patuloy sa pagsasagawa ng mga operasyon kontral ilegal na droga upang gawing drug-free ang rehiyon onse sa pamumuno ni PBGen Benjamin Silo Jr., PRO11 Regional Director.
###
Panulat ni Patrolman Alfred Vergara
