Davao City – Arestado ang isang lalaki sa isinagawang buy-bust operation ng PNP at PDEA sa Purok 4, V. Mapa Extension, Brgy. 9-A, Davao City, noong Oktubre 10, 2022.
Kinilala ni PMaj Marvin Hugos, Station Commander ng San Pedro Police Station, ang suspek na si alyas “Joseph”, 18, residente ng Brgy. San Vicente, Panabo City na tinaguriang Top 6 Regional High Value Target.
Ayon kay PMaj Hugos, naaresto ang suspek sa isinagawang buy-bust operation ng pinagsamang tauhan ng San Pedro PS kasama ang Regional Police Drug Enforcement Unit 11 katuwang ang PDEA XI.
Dagdag pa ni PMaj Hugos, nakuha mula sa suspek ang ilang pakete ng hinihinalang marijuana na may bigat na humigit kumulang 3 Kg na may street market value na Php340,000 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa suspek ay maglalapit sa layunin ng Police Regional Office 11 na gawing drug-free ang rehiyon onse at sa malasakit na ipinapakita ng mga mamamayan sa kapulisan ay makakamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
