Davao City – Arestado ang isang lalaki sa isinagawang buy-bust operation ng PNP at PDEA sa Doña P. Ramos, Barangay Angliongto, Davao City, noong Agosto 25, 2022.
Kinilala ni PMaj Jake Goles, Station Commander ng Sasa Police Station, ang suspek na si alyas “Francis”, 20, residente ng St. John Village, Km 12, Sasa, Davao City na tinaguriang Top 6 sa drug watchlist ng station level.
Ayon kay PMaj Goles, naaresto ang suspek sa isinagawang buy-bust operation ng pinagsamang tauhan ng Sasa PS at 1105th Maneuver Company, Regional Mobile Force Battalion 11, katuwang ang PDEA XI at Davao City Maritime Police Station.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang na 5.61 gramo na may street market value na Php1,500 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang nasabing operasyon ay bunga ng pagsisikap ng Police Regional Office 11 na makamit ang kanilang layunin na gawing drug-free ang rehiyong onse sa pamumuno ni PBGen Benjamin Silo Jr., PRO11 Regional Director.
###
Panulat ni Patrolman Alfred Vergara
