Davao City – Arestado ang isang drug personality sa isinagawang buy-bust operation ng Sasa PNP sa Brgy. Pampanga, Davao City nito lamang Mayo 28, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Ryan”, 36, residente ng Brgy. San Antonio, Davao City na tinaguriang Top 6 High Value Individual sa City Level.
Naaresto ang suspek ng pinagsamang tauhan ng Sasa PNP at Davao City Maritime Police Station katuwang ang PDEA Regional Office 11.
Nakuha mula sa suspek ang ilang pakete ng hinihinalang shabu na may bigat na 3.06 gramo na may street market value na Php48,960 at marked money na ginamit sa operasyon.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang naturang suspek.
Patuloy sa operasyon ang Police Regional Office 11 kontra sa ilegal na droga upang maging drug-free ang Rehiyon 11 sa pamumuno ni Police Brigadier General Alden Delvo, Regional Director.
Panulat ni Patrolman Alfred Vergara/RPCADU11
