Davao City – Arestado ang isang drug personality sa isinagawang buy-bust operation ng PNP sa Purok 2, San Roque Garcia Heights, Brgy. 19-B, Davao City, noong Hulyo 11, 2023.
Kinilala ni PLtCol Ronald Lao, Station Commander ng Sta. Ana Police Station, ang suspek na si alyas “Boss”, 57, residente ng San Antonio, Brgy 19-B, Davao City at tinaguriang Top 6 High Value Individual sa City level.
Ayon kay PLtCol Lao, naaresto ang suspek sa isinagawang buy-bust operation ng pinagsamang tauhan ng Sta. Ana PS at City Drug Enforcement Unit.
Dagdag pa ni PLtCol Lao, nakuha mula sa suspek ang ilang pakete ng hinihinalang shabu na may bigat na humigit kumulang na 7.49 gramo na may street market value na Php119,840 at ang marked money na ginamit sa operasyon.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni PBGen Alden Delvo, PRO11 Regional Director, ang nasabing operasyon at nagsabing ipagpapatuloy ang mga operasyon kontra ilegal na droga sa Rehiyon Onse upang makamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
