Arestado ng mga operatiba ng Pasay City Police Station ang Top 5 Most Wanted Person sa Station Level sa pagsilbi ng Warrant of Arrest sa Villaruel St., Pasay City bandang 3:45 ng hapon nito lamang Lunes, Oktubre 7, 2024.
Kinilala ni Police Brigadier General Bernard R Yang, District Director ng Southern Police District, ang suspek na si alyas “Aga”, 36 anyos.
Pinangunahan ng mga tauhan ng Warrant and Subpoena Section ng Pasay CPS ang operasyon laban sa suspek sa bisa ng Warrant of Arrest para sa kasong Lascivious Conduct sa ilalim ng Sec 5(B) ng Republic Act 7610 (2 counts) na may inirekomendang piyansa na Php200,000.
Patuloy lamang ang SPD sa pagsagawa ng operasyon upang madakip ang mga indibidwal na may pananagutan sa batas upang maibigay ng tama sa kanilang mga biktima ang hustisya na kanilang inaasam.
Source: SPD PIO
Panulat ni PSSg Remelin M Gargantos
