Ifugao – Arestado ang Top 5 Regional Most Wanted Person sa kasong paglabag sa RA 7610 sa Sta Maria, Alfonso Lista, Ifugao nito lamang ika-7 ng Abril 2023.
Kinilala ni Police Colonel Davy Vicente Limmong, Provincial Director, Ifugao Police Provincial Office, ang akusado na si alyas “Vergel”, 29, heavy equipment operator, at residente ng Sta. Maria Alfonso Lista, Ifugao.
Ayon kay PCol Limmong, naging matagumpay ang pagkakaaresto sa akusado sa ikinasang operasyon ng mga tauhan ng Alfonso Lista Municipal Police Station, Provincial Intelligence Unit-Ifugao, Regional Intelligence Unit-14 at 2nd Ifugao Provincial Mobile Force Company.
Naaresto si “Vergel” sa bisa ng Warrant of Arrest sa kasong paglabag sa Republic Act 7610 o Special Protection of Children Against Child Abuse, Exploitation and Discrimination Act at may kaukulang piyansa na Php200,000.
Patuloy naman ang isinasagawang operasyon ng Ifugao PNP upang hulihin ang lahat ng wanted persons sa kanilang nasasakupan.
Source: Ifugao Police Provincial Office
