Davao City – Arestado sa isinagawang buy-bust operation ng PNP ang isang High Value Individual sa Purok 18, Paks Community, Barangay Panacan, Davao City, noong Oktubre 4, 2022.
Kinilala ni PMaj Jake Goles, Station Commander ng Sasa Police Station, ang mga suspek na si alyas “Khalid”, 27, residente ng Barangay Panacan, Davao City na tinaguriang Top 5 High Value Individual sa regional level at kasama nitong si alyas “Batuhan”, 32, residente ng Doña Salud Village, Km 10, Sasa, Davao City.
Ayon kay PMaj Goles, naaresto ang mga suspek sa isinagawang buy-bust operation ng mga tauhan ng Sasa PS kasama ang Regional Police Drug Enforcement Unit XI at City Intelligence Unit katuwang ang Davao City Maritime Police Station.
Dagdag pa ni PMaj Goles, nakuha mula sa mga suspek ang ilang pakete ng hinihinalang shabu na may street market value na tinatayang aabot sa Php96,000 at marked money na ginamit sa operasyon.
Ang mga suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa mga suspek ay bunga ng pagsisikap ng Police Regional Office 11 na makamit ang kanilang layunin na gawing drug-free ang rehiyon onse.
Panulat ni Patrolman Alfred Vergara
