Arestado ang tinaguriang Top 5 Regional Drug Suspect matapos ang isinagawang buy-bust operation ng mga operatiba ng Baguio Police Station sa Barangay Tibungco, Bunawan District, Davao City nito lamang Abril 8, 2025.
Kinilala ni Police Major Lisandro G. Bernardo, Station Commander ng Baguio Police Station, ang suspek na si alyas “Bos,” 36 anyos, construction worker, residente ng nasabing barangay.
Nakuha ang humigit kumulang 24.2 gramo ng hinihinalang shabu na may Standard Drug Price na Php164,560 kasabay ang iba pang ebidensya.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang operasyon ay nagpapakita ng matibay na dedikasyon ng Police Regional Office 11 sa pagpapatupad ng batas upang matiyak, mapanatili ang kaayusan at kapayapaan sa buong rehiyon.
Panulat ni Pat Shairra Rose A Aquino
