Laoag City, Ilocos Norte – Arestado ang isang Top 4 Provincial Most Wanted Person sa kasong Frustrated Murder ng Laoag City PNP sa Brgy Cabangtalan, Sinait, Ilocos Sur nito lamang Biyernes, ika-4 ng Nobyembre 2022.
Kinilala ni Police Lieutenant Colonel Joemar Quines Labiano, Chief of Police ng Laoag City Police Station, ang suspect na si Melchor Reyes y Tumbaga, 48, residente ng Brgy. Santa Cruz, Sinait, Ilocos Sur.
Ayon kay PLtCol Labiano, naaresto ang suspek bandang 3:45 ng hapon ng mga operatiba ng Laoag City Police Station (lead unit), Provincial Intelligence Unit Ilocos Norte PPO, at Sinait Municipal Police Station, Ilocos Sur PPO.
Ayon pa kay PLtCol Labiano, naaresto ang suspek sa bisa ng Warrant of Arrest sa kasong Frustrated Murder na may kaukulang piyansa na Php200,000.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin para mapanatili ang kaayusan at kapayapaan sa lugar.
Source: Laoag CPS
Panulat ni PSSg Lhenee B Valerio
