Tayug, Pangasinan – Arestado ng mga tauhan ng Tayug Municipal Police Station ang Top 5 Most Wanted Person Municipal Level sa Brgy. Panganiban, Tayug, Pangasinan nito lamang Martes, Mayo 24, 2022.
Kinilala ni Police Major Rommel Sembrano, Officer-in-Charge ng Tayug MPS ang suspek na si Bernabe Tubiera y Micu alyas “Betong”, 28, residente ng Brgy. Amistad, Tayug, Pangasinan.
Ayon kay PMaj Sembrano, naaresto ang suspek sa kasong 2 Counts of Rape under criminal case nos. T-7856 at T-7857 na walang nirekomendang piyansa.
Ang matagumpay na operasyon ng PNP laban sa mga taong may pananagutan sa batas ay bunga ng walang sawang pakikipagtulungan at pakikiisa ng mga mamamayan na ipinagpapasalamat naman ng Tayug MPS.
Source: Tayug MPS
###
Panulat ni PSSg Marvin Jake Romero
