La Union – Arestado ng Caba PNP ang isang lalaki na may kasong kaugnay sa VAWC sa Poblacion Sur, Caba, La Union nito lamang Lunes, ika-11 ng Disyembre 2023.
Kinilala ni Police Major Renato Gacad, Acting Chief of Police ng Caba Municipal Police Station, ang suspek na si Clarence, 39, OFW, may asawa at residente sa Brgy. Gregorio, Caba, La Union.
Ayon kay PMaj Gacad, naaresto ang suspek sa bisa ng Warrant of Arrest na inihain ng Caba Municipal Police Station katuwang ang La Union Provincial Intelligence Unit, sa kasong Violation of Section 5 (I) of RA 9262 at Violation of Section 5 (H) of RA 9262 na may nirekomendang piyansa na Php120,000 sa bawat kaso.
Makakaasa ang komunidad na ang Caba PNP ay lalong papaigtingin ang kampanya kontra kriminalidad para mapanagot ang mga taong may sala sa batas.
Source: Caba MPS
Panunulat ni PSSg Marvin Jake Romero
