Pangasinan – Arestado ang 63-anyos na lalaki na tinaguriang Top 5 Municipal Most Wanted Person sa kasong Homicide sa Brgy. Leet, Sta. Barbara, Pangasinan nito lamang Martes, ika-30 ng Enero 2024.
Kinilala ni Police Lieutenant Colonel Jun Wacnag, Hepe ng Sta. Barbara Municipal Police Station, ang suspek na si Manuel Cruz De Guzman Sr., 63, may-asawa, magsasaka at residente sa nabanggit na lugar.
Ayon kay PLtCol Wacnag, inaresto ang suspek sa bisa ng warrant of arrest na inihain ng Sta. Barbara Municipal Police Station sa kasong homicide na may Php120,000 na nirekomendang piyansa.
Patuloy na papaigtingin ng Sta. Barbara PNP ang seguridad ng mga mamamayan sa kanilang nasasakupan para sa mapayapang komunidad.
Source: Sta. Barbara PNP
Panulat ni Patrolwoman Jenilyn Consul
