Antique – Arestado ang isang babae na tinuturing na Top 5 Most Wanted Person sa lalawigan ng Antique matapos ang isinagawang manhunt operation ng tracker team ng Tibiao Municipal Police Station sa Brgy. Sto. Rosario, Tibiao, Antique nito lamang ika-11 ng Abril 2023.
Kinilala ni Police Captain Paul Joseph Oberio, Officer-In-Charge ng Tibiao MPS, ang akusado na si Lucille Belarmino, 33, walang asawa, self-employed at residente ng nabanggit na lugar, kabilang sa Top 5 Most Wanted Person sa Provincial Level at Top 3 MWP naman sa Municipal level sa bayan ng Tibiao.
Ayon kay Police Captain Oberio, naaresto ang suspek matapos ihain sa kanya ang kanyang Warrant of Arrest sa kasong Four (4) Counts of Cyber Libel na may rekomendadong piyansa.
Ang buong himpilan ng Antique PNP ay hindi tumitigil sa pagpapatupad ng batas at sa pagsasagawa ng mga hakbang upang mapanatali ng kaayusan at kapayapaan sa kanilang nasasakupan.
