Alangalang, Leyte – Arestado ng pulisya ang Municipal Level Top 5 Most Wanted Person ng Alangalang sa Probinsya ng Leyte nito lamang Sabado, Abril 30, 2022.
Kinilala ni Police Major Arturo Salvacion Jr, Acting Chief of Police ng Alangalang MPS ang naaresto na si Roger Cenas Lato, 30, binata, construction worker at residente ng Brgy. Lingayon, Alang Alang, Leyte.
Ayon kay PMaj Salvacion, naaresto ang suspek bandang 2:00 ng hapon sa pinagsanib puwersa ng mga operatiba ng Alangalang Municipal Police Station at CIDG Regional Field Unit 8.
Ayon pa kay PMaj Salvacion, si Lato ay may standing Warrant of Arrest para sa 2 counts ng Acts of Lascivious Conduct sa ilalim ng Sec.5 (B) ng RA 7610 na may kabuuang piyansang inirekomendang Php400,000 para sa kanyang pansamantalang kalayaan.
Ang naarestong akusado ay dinala sa Alangalang MPS para sa dokumentasyon at tamang disposisyon bago i-turn-over sa court of origin.
Ang pagsisikap ng mga kapulisan ng Leyte ay nagresulta sa pagkakahuli sa mga may sala sa batas.
###
Panulat ni Patrolwoman Rialyn B Valdez
