Bacnotan, La Union – Arestado ang Top 5 Most Wanted Person (Municipal Level) sa ikinasang Manhunt Charlie Operation ng mga tauhan ng La Union Police Provincial Office sa Bacnotan, La Union nitong Biyernes, ika-16 ng Setyembre 2022.
Kinilala ni Police Major Felipe D. Ruiz, Jr., Hepe ng Bacnotan Police Station, ang suspek na si Marlon Datiles y Colapo, 31, residente ng Brgy. San Martin, Bacnotan, La Union.
Ayon kay PMaj. Ruiz, naaresto ang suspek sa bisa ng Warrant of Arrest sa kasong Acts of Lasciviousness kaugnay ng RA 7610 o Special Protection of Children Against Abuse, Exploitation and Discrimination Act na may inirekomendang piyansa na Php160,000.
Ayon pa kay PMaj. Ruiz, naaresto ang suspek bandang 9:00 ng umaga sa Brgy. Poblacion, Bacnotan, La Union ng mga operatiba ng Bacnotan Police Station, 1st La Union Mobile Force Company at La Union Provincial Intelligence Unit.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang kumonidad.
Source: Bacnotan PS
Panulat ni: PSSg Bader Ceasar B Ayco
