Cavite – Arestado ang Top 5 City Most Wanted Person sa ikinasang operasyon ng Imus City Police Station sa Brgy. Bayan Luma 4, Imus City, Cavite bandang 3:00 ng hapon nito lamang Biyernes, Pebrero 17, 2023.
Kinilala ni Police Lieutenant Colonel Michael Batoctoy, Officer-In-Charge ng Imus City Police Station, ang suspek na si alyas “Biboy”, 28, residente ng Parkdale Classic 1, Brgy. Anabu 1A, Imus City, Cavite,
Ayon kay PLtCol Batoctoy, naaresto ang suspek sa bisa ng Warrant of Arrest para sa kasong Lascivious Conduct sa ilalim Section 5(B) of Republic Act 7610 o Special Protection of Children Against Child Abuse, Exploitation and Discrimination Act,” na may rekomendasyong piyansa na Php180,000.
Pinapurihan naman ni Police Colonel Christopher Olazo, Provincial Director ng Cavite Police Provincial Office ang Imus PNP sa walang patid na pagsisikap na tugisin ang mga taong may umiiral na Warrant of Arrest at siguruhin sa mamamayan na paiigtingin pa ang kampanya laban sa wanted persons, para masigurado at manatiling maayos at payapa ang komunidad.
Panulat ni PEMS Joe Peter Cabugon/RPCADU4A
