Arestado ng mga miyembro ng Toril Police Station ang Top 5 City Most Wanted Person sa Barangay Eden, Toril, Davao City nito lamang Agosto 1, 2924.
Kinilala ni Police Major Sheryl Y Bautista, Station Commander ng Toril Police Station, ang suspek na si alyas “Jomar”, 23 anyos at residente ng Purok 3, Barangay Eden, Toril, Davao City.
Ang suspek ay naaresto sa isinagawang operasyon ng pinagsanib na puwersa ng Tracker Team ng nasabing istasyon, RUI 11, City Intelligence Team at 1105th MC RMFB 11.
Ang suspek ay nahaharap sa kasong Rape na walang piyansang inirekomenda at Lascivious Conduct na may piyansang Php200,000.
Samantala, ang mga tauhan ng Police Regional Office 11 sa pamumuno ni Police Brigadier General Nicolas D Torre III, Regional Director ay patuloy na nagsasagawa ng operasyon upang hulihin ang lahat ng wanted persons sa rehiyon onse.
Panulat ni Patrolwoman Shairra Rose A Aquino
