Tagbilaran City, Bohol – Naaresto ng mga tauhan ng Tagbilaran City Police Station ang Top 5 City Most Wanted Person para sa kasong Rape sa isinagawang Joint Operation sa Barangay Cogon, Tagbilaran City, Bohol nito lamang umaga ng Sabado, ika-17 ng Disyembre 2022.
Kinilala ni Police Lieutenant Colonel Regie Palis Real, Hepe ng Tagbilaran Police Station, ang suspek na si alyas Val, 59, residente ng Purok 6, Barangay Cogon, Tagbilaran City, Bohol.
Ayon kay PLtCol Real, naaresto ang suspek bandang 12:05 ng umaga sa isinagawang Joint Operation ng mga operatiba ng Tagbilaran City Police Station sa pangunguna ni Police Lieutenant Justeofino Hinlayagan katuwang ang AKG-Bohol, 702nd Maneuver Company, Regional Mobile Force Battalion 7, Regional Intelligence Unit 7 at RSOG sa bisa ng Warrant of Arrest.
Ang tagumpay ng Pambansang Pulisya sa pagkakadakip sa suspek ay bunga ng pakikipagtulungan at suporta ng mamamayan sa pagpapanatili ng kaayusan at kaligtasan ng bawat isa laban sa iba’t ibang uri ng kriminalidad sa ating bansa.
