Arestado ang tinaguriang Top 5 City High Value Individual sa isinagawang joint buy-bust operation ng mga otoridad nito ika-24 ng Disyembre 2024 sa Sitio Soriano, Barangay Catalunan Grande, Davao City.
Kinilala ni Police Major Maynard D Pascual, Hepe ng RPDEU 11, ang suspek na si alyas “Jericho”, 24 taong gulang at residente ng Kasipagan Village, Barangay Catalunan Grande, Davao City.
Nakuha sa naturang operasyon ang tinatayang 11.4 gramo ng hinihinalang shabu na may Standard Drug Price na Php77,520.
Kasong paglabag sa Republic Act 9165 o “Comprehensive Dangerous Drugs Act of 2002” ang kakaharapin ng suspek.
Ang Police Regional Office 11 ay patuloy sa mas pinaigting na mga hakbang kontra kriminalidad upang matiyak ang kapayapaan at kaayusan lalo na ngayong panahon ng kapaskuhan kung kailan ang bawat pamilya at iba’t ibang grupo sa komunidad ay nagtipon-tipon upang sabay na ipagdiwang ang tunay na diwa ng pasko.
Panulat ni Pat Shairra Rose A Aquino
