Davao City – Arestado ang isang drug personality sa isinagawang buy-bust operation ng Sasa PNP sa Brgy. Angliongto, Davao City nito lamang Mayo 7, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Steven”, 28, residente ng Doña Pilar, Sasa, Davao City na tinaguriang Top 5 City High Value Individual.
Ayon kay PMaj Goles, naaresto ang suspek ng pinagsamang tauhan ng Sasa PNP at 1105th Maneuver Company ng Regional Mobile Force Battalion 11 katuwang ang PDEA Regional Office 11.
Nakuha mula sa suspek ang ilang pakete ng hinihinalang shabu na may bigat na humigit kumulang na 4.72 gramo na may street market value na Php75,520 at ang marked money na ginamit sa operasyon.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang nasabing suspek.
Patuloy sa operasyon ang Police Regional Office 11 kontra sa ilegal na droga upang maging drug-free ang Rehiyon 11.
Panulat ni Patrolman Alfred Vergara/RPCADU11
