Arestado ang Top 5 City High Value Individual ng mga tauhan ng Baliok Police Station na magresulta sa pagkakasabat ng tinatayang Php359,176 halaga ng shabu nito lamang ika-13 ng Hulyo 2024 sa Hinundayan Village, Barangay Dumoy, Davao City.
Kinilala ni Police Major Harold S Untalan, Acting Station Commander ng Baliok Polie Station, ang suspek na si alyas “Niel”, 24 anyos at residente ng Cabantian, Davao City.
Ang suspek ay naaresto sa isinagawang buy-bust operation at narekober ang humigit kumulang 52.82 gramo ng hinihinalang shabu na may Standard Drug Price na Php359,176, improvised tooter, black pouch, driver’s license, cellphone, isang Honda Click 150 at buy-bust money.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
Samantala, ang pamahalaan at PNP ay nakatuon sa kampanya laban sa ilegal na droga sa pakikipagtulungan at suporta ng komunidad, na may iisang hangarin para sa isang mapayapang bansa.
Panulat ni Patrolwoman Shairra Rose A Aquino
