Davao City – Arestado ang dalawang lalaki sa isinagawang buy-bust operation ng Bajada PNP sa Regina Compound, Brgy. 20-B, Davao City, noong Enero 14, 2023.
Kinilala ni Police Major Antonio Luy, Acting Station Commander ng Bajada Police Station, ang mga suspek na sina alyas “Ron-Ron”, 45, residente ng Marbel Homes, Koronadal City na tinaguriang Top 5 drug personality sa City level at kasama nitong si alyas “Samsudin”, 26, residente ng Midsayap Maquindanao.
Ayon kay PMaj Luy, naaresto ang mga suspek sa isinagawang buy-bust operation ng Special Drug Enforcement Team na tauhan ng Bajada PS.
Dagdag pa ni PMaj Luy, nakuha mula sa suspek ang ilang pakete ng hinihinalang shabu na may bigat na humigit kumulang 1.08 gramo na may street market value na Php15,000 at marked money na ginamit sa operasyon.
Ang mga suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa suspek ay may malaking tulong upang makamit ng Police Regional Office 11 ang kanilang layunin para sa kaayusan at kapayapaan sa lungsod.
Panulat ni Patrolman Alfred Vergara
