Arestado sa operasyon ng mga awtoridad ang itinuturing na Top 4 Regional Most Wanted Person sa kasong Acts of Lasciviousness at Statutory Rape nito lamang Nobyembre 21, 2024 sa Barangay San Roque, Koronadal City, South Cotabato.
Kinilala ni Police Lieutenant Colonel Hoover Tapang Antonio, Hepe ng Koronadal City Police Station, ang suspek na si alyas “Ter”, 48 anyos, binata, walang trabaho at residente ng Barangay San Roque, Koronadal City, South Cotabato.
Bandang 12:30 ng hapon nang ikinasa ang operasyon na nagresulta sa pagkakahuli ng suspek sa bisa ng Warrant of Arrest sa kasong Acts of Lasciviousness at Statutory Rape na may piyansa na Php200,000.
Patuloy ang PNP sa misyon na protektahan ang mga mamamayan lalong-lalo na ang mga kabataan at kababaihan mula sa anumang uri ng krimen alinsunod sa prayoridad ng Pangulong Ferdinand “Bongbong” Marcos Jr., ang magkaroon ng ligtas at payapang bansa.
Panulat ni Patrolwoman Rhesalie Umalay
